Skip to main content
ကျောင်းတွင် ဆက်နေလိုပါက သမီးရည်းစားမထားရန် ကျောင်းသား/သူများအား သတိပေးထားကြောင်း TTC ကျောင်းအုပ်ကြီးပြော
Ads Block

Akonthi Ads

ကျောင်းတွင် ဆက်နေလိုပါက သမီးရည်းစားမထားရန် ကျောင်းသား/သူများအား သတိပေးထားကြောင်း TTC ကျောင်းအုပ်ကြီးပြော

ကမာရွတ် TTC အထက်တန်းကျောင်းတွင် ကျောင်းသားကျောင်းသူများအား ဆက်လက်ကျောင်းတက်လိုပါက သမီးရည်စားမထားရဟူ၍ သတိပေးထားကြောင်း ကျောင်းအုပ်ဆရာမကြီး ဒေါက်တာမိုးသူက အကုန်သိသတင်းဌာနကို ဇွန်လ၂၇ ရက်တွင် တရားဝင်ပြောကြားလိုက်သည်။

ကမာရွတ်TTC အထက်တန်းကျောင်းတွင်  ကျောင်းသားကျောင်းသူ ထောင်နှင့်ချီရှိကာ ကျောင်းအုပ်ကြီး အပါအ၀င် ဒုတိယ ကျောင်းအုပ် သုံးဦးနှင့် ထိန်းသိမ်းလျက်ရှိ်ကြောင်း သိရသည်။

’’ဒါကတော့ ကျောင်းတိုင်းပေါ့ ၊ သမီးရည်းစားကိစ္စက ရှိပါတယ်။ ရှိလည်းရှိနိုင်တယ်။ ကျောင်းသားကျောင်းသူတွေကို ဆရာမကြီးက ပြောထားတယ်။ သားတို့သမီးတို့ ဆရာမကြီးကျောင်းမှာ ဆက်နေချင်တယ်ဆို စည်းကမ်းချက် သုံးခုရှိတယ်။ ဒါတွေကိုမလုပ်ဖို့ ရှောင်ကြဉ်ရမယ်။ နံပါတ်တစ် ရန်မဖြစ်ရဘူး။ နံပါတ်နှစ်ကတော့ မူးယစ်ဆေးမသုံးရဘူး။ နံပါတ်သုံး သမီးရည်စားမထားရဘူး။ ကျန်တာကြိုက်သလို ကစားလို့ရတယ်။ နေလို့ရတယ်။ ဆရာမကြီးက မှာထားတယ်’’ဟုဒေါက်တာမိုးသူက ပြောသည်။

သမီးရည်းစားထားပါက ကျောင်းထုတ်မည်ဟု ကမာရွှတ်TTC ကျောင်းအုပ်ကြီး ပြော

အဆိုပါသမီးရည်းစားကိစ္စများသည် အခြေခံပညာ ကျောင်းများတွင် ကျောင်းအုပ်ကြီးများ၊ အတန်းပိုင်ဆရာဆရာမများ အခက်တွေ့စေသည့်ကိစ္စများဖြစ်ပြီး ကမာရွတ်TTC တွင် ကျောင်းသားကြီးများကို ကျောင်းဆောင် သစ်ပိုင်းသို့ မပြောင်းဘဲ ကျောင်းဆောင်ဟောင်းများ ဘက်တွင် စောင့်ကြည့်နိုင်သည့်အတွက် ကျောင်းဆောင်ဟောင်းတွင် ကျောင်းသားများကို ထားကြောင်း ဆရာမကြီးကဆိုသည်။

’’သမီးရည်းစားကိစ္စက အခုခေတ် အခြေအနေအရ ခြောက်တန်းဆို စလာပြီ။ ခုနှစ်တန်းမှာငြိမ်တယ်။ ရှစ်တန်းဆိုပြန်စလာပြီ။ ကိုးတန်း၊ ဆယ်တန်းဆို နည်းနည်းထိန်းသိမ်းရတယ်။ ဆရာမကြီးကျောင်းအနေနဲ့ကတော့ ကလေးတွေက စာပဲလုပ်တဲ့အတွက် သိပ်အခက်အခဲမရှိပါဘူး’’ဟု ဒေါက်တာမိုးသူက ပြောသည်။

လက်ရှိအခြေခံပညာတွင် ကျောင်းပေါင်းလေးသောင်းကျော် ရှိကာ ကျောင်းသားကျောင်းသူသိန်းနှင့်ချီ ရှိကာ တစ်ခန်းလျှင် ကျောင်းသားကျောင်းသူ ငါးဆယ်ကျော်အား အတန်းပိုင်ဆရာမ မှ ထိန်းသိမ်းနေရကြောင်း သိရသည်။

  • မင်းသီဟန်(အကုန်သိသတင်းဌာန)

အကုန်သိသတင်းဌာန၏ သတင်းများကို ၀င်ရောက်ဖတ်ရှုပေးမှုအတွက် အထူးပင် ကျေးဇူးတင်ပါသည်။